Промотивните банери претставуваат еден од најефективните методи за привлекување внимание на посетителите на веб-страницата, како и за успешно промовирање на производи, нови понуди или попусти. Добро поставените банери можат да ја зголемат видливоста на понудите и да го поттикнат корисникот да купува. За да се искористи нивниот потенцијал, потребно е внимателно да се дизајнираат и да се постават на стратегиски места. Следува преглед на најдобрите практики за користење на промотивни банери на е-продавницата.

1. Дефинирање на целта на банерот

Промотивните банери треба да имаат јасна цел и да се фокусираат на конкретна понуда или промоција. Прво, треба да се размисли што точно се треба да се постигне со банерот. 

Може да биде за:

1. Попуст на производи (на пример, „20% попуст на сите чевли“).

2. Лансирање на нов производ (на пример, „Нови зимски колекции се тука!“).

3. Сезонски промоции (на пример, „Црн петок – големи попусти!“).

4. Програма за лојалност (на пример, „Придружи се на нашата програма за лојалност и освој вредни подароци“).

2. Избор на места за поставување на банерите

Позиционирањето на банерите на веб-страницата е клучно за нивната ефикасност. 

Најчесто користените места за поставување на банери се:

1. На почетната страница: Ова е највидливото место каде што банерот може да привлече внимание веднаш штом посетителот ќе ја отвори страницата.

2. На страницата за производи: Банерите можат да се постават на страниците за производите или во категориите за да се нагласат нови или популарни производи.

3. Дизајн на банерот

Дизајнот на банерот треба да биде привлечен, но и функционален. Кога се креира банер, треба да се имаат предвид следниве фактори:

1. Јасна порака: Текстот на банерот треба да биде краток и јасен.

   1. Пример: „Купи сега и заштеди 20%“, „Нови производи во продажба!“.

2. Привлечни бои: Треба да се користат бои кои се во согласност со брендот, но истовремено привлечни за окото.

3. Јасно видлив CTA (Call-to-Action): Повикот за акција треба да биде лесно видлив. Пример за CTA: "Купи сега", "Погледни понуда", "Приклучи се бесплатно".

4. Едноставност: Банерот не треба да биде пренатрупан со текст или слики. Треба да се фокусира на најважната порака која треба да биде лесно разбрана на прв поглед.